|
Sorğu |
|
Hansı keyfiyyətlərə prezidentliyə namizəd malik olmalıdır?
|
|
Cəmi səs verənlər: 2 |
|
Nəticələri göstər |
|
QHT-lər dövlət proqramini müzakirə etdilər
(29.04.2013)
Azərbaycan
|
|
Bu günlərdə Gənclər Evinin və “Təkan” Tələbə Gənclərinin İctimai Birliyinin təşkilatçılığı ilə “Azərbaycan gəncliyi 2011-2015-ci illərdə” Dövlət Proqramının müzakirəsinə həsr olunmuş dəyirmi masa baş tutub. Tədbirdə Gənclər və İdman Nazirliyinin, gənclər təşkilatları, tələbə birliklərinin nümayəndələri iştirak ediblər. Toplantı zamanı dəyirmi masa ətrafına toplaşanlar “Azərbaycan gəncliyi 2011-2015-ci illərdə” Dövlət proqramı çərçivəsində QHT-lərin, ictimai təşkilatların gördüyü işlər, bu fəaliyyətin effektivliyi barədə fikir mübadiləsi aparıblar.
|
Bu gün yel çərşənbəsidir
(12.03.2013)
Azərbaycan
|
|
Bu gün yel çərşənbəsidir. Xalq arasında “külək oyadan çərşənbə”, “küləkli çərşənbə” kimi tanınan yel çərşənbəsi ilaxır çərşənbələrin üçüncüsüdür. Yel çərşənbəsi günündə adətən nisbətən isti küləklər əsir, bu da yazın gəlişindən xəbər verir. İnama görə, bu çərşənbədə oyanan yel, külək oyanmış suyu, odu hərəkətə gətirir. Gün ərzində küləyin istiqamətinin bir neçə dəfə dəyişməsi onun özünün təmizlənməsi kimi qəbul edilir. Yel çərşənbəsində əsən mehin də, küləyin də daxilində bir hərarət olur. Şifahi xalq yaradıcılığında yel çərşənbəsi ilə bağlı müxtəlif nəğmə, əfsanə, rəvayət, mif, inanc, məsəl və sairə yaranıb. Novruz şənliklərində icra olunan Yel baba mərasimi qədim əcdadlarımızın Yel tanrısına etiqadı ilə bağlıdır. İnanclara görə Yel baba xırmana gəlməmişdən qabaq oradan buğda, dən götürməzlər.
|
“Norm” şirkəti “BakuBuild 2013” inşaat sərgisinin “Qızıl” sponsoru oldu!
(7.03.2013)
Azərbaycan
|
|
Oktyabr ayının 23-dən 26-dək Bakı Ekspo Mərkəzində “BakuBuild 2013” 19-cu Azərbaycan Beynəlxalq “İnşaat” sərgisi keçiriləcək. Bu il Cənubi Qafqazın ən böyük inşaat tədbiri - “BakuBuild” sərgisində 400-dən çox şirkətin iştirakı gözlənilir. Ənənəvi olaraq, sərgiyə bir sıra ölkələrin kollektiv milli stendləri də qoşulur. Sərginin təşkilatçıları bildirirlər ki, artıq sərgi sahəsinin 60%-dən çoxu həm daimi iştirakçılar, həm də bu il onların sırasına qoşulan şirkətlər tərəfindən tutulmuşdur. Onlar arasında ötən il “BakuBuild” sərgisində debüt etmiş “Norm” MMC də var. Bu il isə “Norm” MMC sərgidə stendlə iştirak etməklə yanaşı, “BakuBuild 2013” sərgisinin “Qızıl” sponsoru olmaq qərarını da qəbul edib.
|
ABŞ səfiri Ağ Evin hakimiyyətdən nə istədiyini dilə gətirib
(7.03.2013)
Azərbaycan
|
|
Amerikanın Azərbaycandakı səfiri Riçard Morninqstar "Amerikanın Səsi"nə müsahibəsində Azərbaycanda mövcud ictimai-siyasi durum, vəziyyətdən çıxış yolları, seçkiqabağı mühit, hökumətlə vətəndaş cəmiyyətlərinin dialoqunun vacibliyi, son həbslər, prezident Saakaşvilinin Rusiya ilə bağlı bəyanatı, Amerika şirkətlərinin Azərbaycanda marağı, neft-qaz siyasəti və “Azadlıq” qəzetinin bağlanmaq təhlükəsi də daxil olmaqla müxtəlif problemlərə toxunub. Sual: “Biz İsmayıllıda baş vermiş zorakılığa görə təəssüf edirik. Eyni zamanda, biz qanuni şikayətləri təmin etmək üçün Azərbaycan hökumətini vətəndaşlarla konstruktiv dialoqa və hökumət nümayəndələrini sərbəst toplaşmaq və ifadə azadlıqlarına hörmətlə yanaşmağa çağırırıq”. Bu Sizin son bəyanatınızdır. Azərbaycan hökumətinin və hüquq sisteminin son hadisələrə münasibəti adekvatdırmı?
|
Saakaşvilinin bir bəyanati nələrin qarşisini aldi?
(7.03.2013)
Böyük Bölünməz Qafqaz
|
|
Gürcüstan prezidenti Mixail Saakaşvilinin Moskvanın Bakı və Tiflisdə çevriliş planlarının olduğunu bəyan etməsi dünyanın aparıcı KİV-inin əsas təhlil mövzusu olaraq qalmaqdadır. Rusiya, Gürcüstan, Azərbaycan və Qərb ölkələrinin mətbuatı gürcü liderinin bəyanatını ən müxtəlif istiqamətlərdən şərh edirlər. Bütün şərhlərdə Rusiyanın Cənubi Qafqazda ata biləcəyi addımlardan narahatlıq duyulur. Daha çox narahatlıq isə məhz Moskvanın Azərbaycanla bağlı planları ilə bağlıdır. Vurğulayaq ki, Moskva Gürcüstanda özünə yaxın hökumət formalaşdırdığına görə Kremlin daha çox Azərbaycanı şantaj etdiyi üzə çıxır. Bir sözlə, hədəfdə ölkəmiz və qarşıdan gələn prezident seçkiləridir.Saakaşvilinin bəyanatını təhlil edən şərhçilər bu fikirdədirlər ki, Rusiya 7 avqust 2008-ci ildə Gürcüstana qarşı həyata keçirtdiyi planları bu dəfə hansısa formada Azərbaycana qarşı təkrarlaya bilər. Lakin belə bir addım rusların özləri üçün də təhlükəlidir. Xatırladaq ki, Moskvanın bütün cəhdlərinə və bağırtılarına baxmayaraq, 2008-ci ildə Rusiya və Gürcüstan ordularının açıq hərbi toqquşması baş vermədi. Zəif hazırlıqlı, pozğunlaşmış Rusiya ordusu, sadəcə olaraq, siyasi bəyanatlar üçün dekorasiya rolu oynadı.
|
Xəzər Beynəlxalq Su Texnologiyaları sərgisi və forumu
(28.02.2013)
Azərbaycan
|
|
2013-cü ilin 11-13 aprel tarixlərində Bakı Ekspo Mərkəzində Azərbaycanda ilk dəfə Xəzər regionunda su texnologiyaları sahəsində əldə edilmiş nailiyyətlərin nümayiş etdirildiyi yeganə ixtisaslaşdırılmış tədbir - Xəzər Beynəlxalq Su Texnologiyaları sərgi və forumu “CATEF 2013” keçiriləcək. Bu sərgi və forum “Azərsu” Açıq Səhmdar Cəmiyyətinin təşəbbüsü və fəal dəstəyi ilə təşkil olunmuşdur. Tədbirin təşkilatı tərəfdaşı qismində isə “Iteca Caspian” MMC çıxış edir. Su texnologiyaları sərgi-forumunun keçirilməsinin aktuallığını Azərbaycan ərazisində həyata keçirilən və planlaşdırılan genişmiqyaslı layihələrlə, habelə Azərbaycanda fəaliyyət göstərən müəssisələrdə ən yeni avadanlıq və texnologiyaların tətbiqi və istifadəsinin geniş perspektivləri, həmçinin sərmayədarların regiona artan marağı ilə əlaqələndirmək olar. Debüt sərgi ziyarətçilərin diqqətinə içməli su təchizatı, tullantı suların təmizlənməsi yağış sularının kənarlaşdırılması sistemləri, mikrotunel inşası, içməli suyun analizi üçün ölçü cihazları və tənzimləyici texnologiyalar, pompalar, nasos sistemləri, içməli su mənbələrinin mühafizəsi, inşaat texnikası və avadanlıqları, qazma qurğuları, informasiya və kommunikasiya texnologiyaları, geotermik texnologiyalar, suyun duzsuzlaşdırılması, habelə su təchizatı və kanalizasiya sahəsində mövcud olan digər ən yeni texnologiyaları təqdim edəcək.
|
|
|
|
Tərəfdaşlar 
